Google ADS

Vendosen afishe me mbishkrime provokuese në Mitrovicë, identifikohet i dyshuari

15:50 | 29 Tetor 2024
E.G

Në rrugën “Dëshmorët e vitit 1903” në Mitrovicë gjatë ditës së sotme janë vendosur afishe me mbishkrime provokuese.

Kështu ka bërë të ditur Policia e Kosovës përmes një njoftimi në Facebook, shkruan Arbresh.info.

Lidhur me rastin është identifikuar një person i cili dyshohet se i ka vendosur afishet.

“Në orët e mesditës së sotme në Stacionin Policor Jugu në Mitrovicë, është raportuar  se në rrugën  “Dëshmorët e vitit 1903” nga person /na  të panjohur janë vendosur afishe me mbishkrime provokuese.”, thuhet në njoftim.

“Pas ekzaminimit të vendit të ngjarjes janë ndërmarrë veprime operative e hetimore për identifikimin e të dyshuarit, si rezultat i hetimeve  dhe pamjeve të nxjerra nga kamerat e asaj rruge është identifikuar një veturë dhe personi i dyshuar i cili dyshohet të i ketë vendosur afishet.”, thuhet në njoftim.

Policia bën të ditur se ndaj të dyshuarit A. A, është shqiptuar fletëparaqitje për “Prishje të Rendit dhe qetësisë Publike”./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm